美濃山下个雉牯

來賓：黃淑玫老師（美濃國中退休教師） 美濃八色鳥協會榮譽理事長 左瑞梅老師（屏東泰山國小附幼老師） （屏東大學文化創意產業在職碩ㄧ班）

 今晡日專訪黃淑美先生摎左瑞梅先生，來客家恁靚節目中深度訪談分享最新親師生創作首本客語鳥類命名兒童繪本《美濃山下个雉牯》非常珍貴个兒童繪本，非常適用學校教學幼兒教育及客語文家庭教學學習生態愛護動物啟發小朋友同理心對生命尊重與愛使用繪本。 客語鳥仔名檢點个過程，像一條長河壩，係美濃八色鳥協會投入生態保育數十年所修煉个結晶。 八色鳥協會在一千九百九十六年正經設立早先，就長期並定點觀察美濃像雙溪黃蝶翠谷、中圳埤、茶頂山這幾隻重要生態環境，為著把扼環境改變个消息，尤其在飛禽方面盡力盡多。 八色鳥協會摎美濃愛鄉協進會積極推動「黃蝶翠谷復育計畫」，為著催生『黃蝶翠谷自然生態公園』个理想還在打拚，黃蝶祭就係協會結合社區營造摎生態保育个試驗。延續「據點經營、紮根社區、推廣生態」个理念，對二千零一十一年起勢摎高雄市野鳥學會合辦「黃蝶翠谷飛禽生態據點」，逐月第四仔禮拜一解說賞鳥仔，著今既經持續十三年無間斷，超過一百場以上。 二千零一十七年劉孝伸、黃淑玫自主獨資，在美濃湖脣租下 一 公頃窪地成功復育水雉。二千零二十年由六十九位集資續租，並陸續加添至近百人，出錢出力，一同維護民間棲地。202一年同高雄市野鳥學會合作，認養高雄市觀光局營造个大灣棲地、種苗池同水雉復育工作站，再過添一垤水雉棲地，過較多咧許幾長期志工，一同相惜同紀錄美濃湖脣个水雉鳥。 二千零二十年起，陸續由近百位朋友同荒野保護協會集資續租，出錢出力，一同維護民間水雉棲地。 二千零二十年東門國小在黃淑玫先生个帶等下，識咧在美濃湖同野蓮田活動个水雉；參與个學童並集體創作詩歌—〈崖愛喊你野蓮鳥仔〉，賦予水雉一隻具有地方特色个新名仔。 二千零二十二年，藉由美濃細黃蝶同龍肚國中夏日樂學結合，首度舉辦「用客話喊鳥仔个名—右堆半頭青生態營」，邀請美濃國中、龍肚國中同旗美高中三校賞鳥仔社參與，除忒識過忒耆老訪查還過得著个客話鳥仔名，亦透過參與式客話鳥仔名創作个方式，為吂有合適鳥仔名个在地飛禽進行安名。 《美濃山下个雉牯》為八色鳥協會、旗美社區大學賞鳥仔班个家庭共下發想創作。保留咧細人仔純正經視角、樸拙个筆痕、活潑个色目，輔以高雄鳥仔會「美濃湖水雉棲地畫班」个仿真畫，來呈現水雉及濕地生態多樣性復育个故事。二千零二十三年美濃湖水雉棲地復育工作站，過較同野蓮花農共組「護雉蓮盟」，共下打造友善水雉个野蓮花品牌。 落尾所收錄个〈美濃客家鳥仔名舉薦用法〉，源自在劉孝伸先生訪談已故耆老邱秀友、黃新勤所得。百一二學年度美濃國中賞鳥仔社以行動研究个方式，協助